ಪಂಚ್👊 - ಕಜ್ಜಾಯ

ಎಲ್ಲಿ ನೋಡಿದರೂ ಜನವೋ ಜನ

ಕೆಲವರು ಸಜ್ಜನ, ಇನ್ನು ಕೆಲವರು ದುರ್ಜನ

ಎಂದು ವಿಂಗಡಿಸುವುದು ನಮ್ಮ ಮನ

ಜನರ ಮನವೇ ಮಾಡುವುದು ನಿಮಗೆ ಅವಮಾನ , ಸನ್ಮಾನ

ಗೆಲ್ಲಬೇಕು ಜನರ ಮನ

ನಂತರ ಹೋದಲ್ಲೆಲ್ಲ ಸನ್ಮಾನ

ನೋಯಿಸಿದರೆ ಜನರ ಮನ

ಕಾದಿದೆ ನಮಗೆ ಅವಮಾನ.

ಜಗದ ಪ್ರಕಾರ ಅವನೊಬ್ಬ ಟೆಕ್ಕಿ

ಸಾಕಾಗಿದೆ ಅವನಿಗೆ ಕೀಬೋರ್ಡ್ ಕುಕ್ಕಿ

ಮನದಲ್ಲಿ ಇದ್ದಾಳೆ ಒಬ್ಬಳು ಹಕ್ಕಿ

ಯಾರಿಗೆ ಏನಾಗಬೇಕಿದೆ ಅವಳು ಇವನಿಗೆ ಸಿಕ್ಕಿ

ನೀನೆಷ್ಟು ಚಂದ ಪುಸ್ತಕ

ಓದಲು ಬೇಕು ಮಸ್ತಕ

ಓದುವಾಗ ಮನಸ್ಸಿನಲ್ಲಿ ಪುಳಕ

ಸಾವಿರಾರು ಆಲೋಚನೆಗಳ ಜನಕ

ಓದುವಾಗ ಮುಂದೇನಾಗುತ್ತದೆ ಎಂಬ ತವಕ

ಓದಿದ ನಂತರ ನಾನಾಗುತ್ತೇನೆ ಒಬ್ಬ ಚಿಂತಕ.

ಪ್ರಜ್ವಲನ - ಕನ್ನಡ ಬರಹಗಳು